Cun famiglia ed amis

Cun far nozzas in baselgia decida il pêr da confermar lur lia eir davant Dieu e davant la raspada. Que voul dir ch’els as dan lur impromischiun in preschentscha da commembers da la raspada sco perdüttas. E que voul eir dir ch’els piglian in lur lia eir a Dieu ed impromettan l’ün a l’oter, ma eir a Dieu da s’ingaschar per lur lia.

Chi chi decida dad esser giast davant nossa raspada ed in nossa baselgia per far quel pass, s’annunzcha per temp pro la ravarenda per fixar ün termin e per reservar la baselgia. Noss culuosters e nossa raspada han plaschair da pudair s’ingaschar cha las nozzas davant nossa raspada dvaintan ün di inschmanchabel e bel pels nozzadurs.

La Baselgia chantunala grischuna s’ingascha eir per güdar a mantegner e sustegner lais ed ha in sia sporta eir ün post da cussagliaziun per lais (sülla pagina da la baselgia chantunala).