Charità vivüda

La vita in nossa raspada dess gnir guidada eir da las tradiziuns e las valuors cristianas. Üna importanta da quellas es la solidarità. Dimena esa pro nus tradiziun cha commembers da nossas cumünanzas s’ingaschan voluntariamaing per güdar ad oters commembers da nossa cumünanza ed eir a persunas chi sun in bsögn. Quels chi vöglian güdar e quels chi vessan dabsögn d’agüd, as chatta svess o s’annunzcha pro nossa pravenda.

Tenor noss’incletta sun eir confrars e consours d’otras confessiuns cristianas ed oters abitants da nos cumün e sias fracziuns part da nossa cumünanza.