Discuter dumondas da la vita

Giuvenils vegnan normalmaing confirmats in nossa raspada cur ch’els sun ill’annada chi sortan da la scoula cumünala (po però eir esser plü tard). Avant co pudair gnir confirmats van ils giuvenils dürant duos invierns a l’instrucziun da basa per la confirmaziun (il prüm on illa classa da preparands ed il seguond on illa classa da confirmands). Normalmaing vegnan ils giuvenils confirmads in quella raspada ingio chi han eir visità l’instrucziun (excepziuns ston gnir trattadas dals consistoris da las duos raspadas). Ils confirmands conferman cun lur confirmaziun la decisiun dals genituors pro lur bataisem ed as decidan in preschentscha da la raspada per üna vita cristiana.

Culla confirmaziun dvaintan ils confirmats commembers majorens da nossa raspada cun dret da vuschar e cun dret gnir pin o mima.