Über uns

Rudy Van Kerckhove chi surpiglia in nossa raspada üna substituziun

Davo passa ün on cha nus vain uossa darcheu la plazza da ravarenda vacanta in nossa raspada, esa a la fin uossa darcheu pussibel dad occupar quella almain parzialmaing cun üna substituziun. Ravarenda Rudy Van Kerckhove es pensiunà ed abita daspö duos ons cun sia duonna a Cuoira. El es stat ravarenda in Grischun, ma vaiva lura müdà i’l chantun San Galla ed es stat 30 ons fin pro sia pensiun ravarenda a Gossau SG. Ils ultims ons, daspö ch’el es tuornà ad abitar in Grischun, ha el güdà oura illas raspadas da Buchs SG e da la cità da Cuoira. Ravarenda Rudy Van Kerckhove vaiva passantà sia giuventüna in Belgia e vaiva là eir gnü sia prüma raspada avant co müdar in Grischun inua ch’el vaiva imprais a cugnuoscher sia duonna. Cun ella es el lura stat a Gossau e tuornà a Cuoira. El surpiglia a partir dal mais da mai duos predgias da la dumengia al mais in nossa raspada sco eir chüra d’ormas e tenor bsögn ün o l’oter funeral. Cun quai ch’el fa quai davent da Cuoira, restan las persunas da contat per nossa raspada il president e la secretaria.